பனை கனவுத் திருவிழா


பனை கனவுத் திருவிழா

     தமிழக வரலாற்றில் மிக முக்கிய தாக்கத்தை ஏற்படுத்த இருக்கும் பனை திருவிழாவில் ஒன்றுகூட வாருங்கள்.

     உலகில் உள்ள எல்லா வகையான சமூக பண்பாட்டு படிமலர்ச்சியையும் ஒரு சிறிய நிலப்பரப்புக்குள் வைத்திருக்கும் தமிழகத்தின் சமூக பண்பாட்டு, தொடர்ச்சியின் பேர் ஆவணமாக இருக்கும் பனையை கொண்டாட ஒன்றிணைவோம்.

     ஒரு மரம் தன்னுடைய எல்லா உறுப்புகளையும் மானுட பயன்பாட்டிற்கு கொடுக்கிறது என்றால் அது பனை மரமாக தான் இருக்கும். ஒரு பனை மரம் தன் மொத்த வாழ்நாளையும் மனித சமூகத்தின் முன்னேற்றத்திற்காகவே அற்பணிக்கிறது.

     தமிழ் கழக காலத்திற்கு முன்பில் இருந்தே பனைசார் பொருட்கள் தமிழக மக்களிடம் புழக்கத்தில் இருந்து வந்துள்ளதை பல ஆய்வாளர்கள் வெளிப்படுத்தியுள்ளனர். எளிய மக்களின் அன்றாட வாழ்வியலின் அங்கமாக பனைசார் பொருட்கள் இருந்தமையால் ஏறக்குறைய எல்லா தமிழ் கழக நூல்களிலும் பனையின் உணவுகளை அதன் பாகங்களை நேரடியாகவும், உவமையாகவும் அறிஞர் பெருமக்கள் குறிப்பிட்டுள்ளனர்.

    அந்த வரலாற்றின் தொடர்ச்சியாக இன்றும் தமிழக நிலமெங்கும் பனைசார்
முன்னெடுப்புகள் பலராலும் முன்னெடுக்கப்பட்டு வருகிறது. அதில் நிச்சயமாக பனங்காடு பனைசார் முன்னெப்பின் மிக முக்கிய மையமாக இருக்கும்.

     தமிழகத்தின் பொருள்சார் பண்பாட்டில் எப்போதும் தனக்கான தனித்த இடத்தை கொண்டிருக்கும் பனை அன்னையின். தமிழ் மொழியையும், தமிழ் சமூகத்தின் பண்பாட்டையும் ஒருசேர கொடுத்த பனை அன்னையின். இம்மண்ணின், வரலாற்றின் எல்லா கால கட்டங்களிலும் மக்களுக்கான மரமாக துணை நிற்கும் பனை அன்னையின். இந்நிலத்தின் உணவு, மருத்துவம், பண்பாடு, பொருளாதாரம், விழுமியங்கள், பெருங்கதையாடல்கள் என அனைத்து நிலைகளிலும் தன் இருப்பை கொண்டுள்ள பனை அன்னையின் கனவுத் திருவிழாவை கொண்டாட வாருங்கள்.

     முக்கியமாக பனை கனவுத் திருவிழாவில் பனை உணவுகள், பனையோலை கைவினை பொருட்கள் அங்காடி, மாவோளி சுற்றுதல், கருப்பட்டி காய்ச்சுதல், பனை விளையாட்டுகள், பனை கருத்தரங்கம், பனையேற்றம், பனையோலை பின்னல் பயிற்சி, பனை சுற்றுலா என பனையின் அனைத்து அம்சங்களும் பனங்காட்டில் திரளான மக்கள், பனையேறிகள் உழைப்பில் நடைபெற இருக்கிறது.

      இனி வருங்காலங்களிலும் மக்களால் தொடர்ந்து பேசப்படும் சூழலியல் நிகழ்வாக தான் பனை கனவுத்திருவிழா இருக்க போகிறது. எண்ணங்கள் செயல்களாக மாறி இருக்கும் பனங்காட்டில் வரலாற்று முக்கியத்துவம் வாய்ந்த இந்த பனைத் திருவிழாவில் அனைவரும் இணைவோம் வாருங்கள்.

பனை நம் அடையாளம், நம் அடையாளங்களை பாதுகாப்போம்.

பனை சதிஷ் 17.06.2022

Comments

Post a Comment

Popular posts from this blog

அழியும் பேருயிர்

Image
அழியும் பேருயுர்      சமீபத்தில் தகவல் அறியும் உரிமை சட்டத்தில் ஈஷா யோக மையம் யானைகளின் வழிதடத்தை, வாழ்விடத்தை ஆக்கிரமித்து கட்டுப்பட்டுள்ளதா என கேட்கப்பட்ட கேள்விக்கு, தமிழக அரசின் முரணான பதில் பெரும் விமர்சனத்துக்கும், பேசு பொருளாகவும் ஆகியிருப்பதை நாம் அறிவோம்.     கோவை மாவட்ட வன அலுவலர் அளித்த பதிலில், ” ஈஷா அறக்கட்டளை மற்றும் ஈஷா யோகா மையத்தால் வனப் பகுதியில் நிலங்கள் ஆக்கிரமிப்பு செய்யப்படவில்லை. வனப் பகுதியில் ஈஷா அறக்கட்டளை மற்றும் யோகா மையத்தால் கட்டிடங்கள் கட்டப்படவில்லை. யானை வழித்தடங்களை ஆக்கிரமிப்பு செய்யவில்லை ” எனத் தெரிவிக்கப்பட்டு உள்ளது. மேலும் கோவை மாவட்டத்தில் அறிவிக்கப்பட்ட யானைகளின் வழித்தடமோ, வாழ்விட பகுதியோ இல்லை எனவும் பதில் கொடுத்துள்ளனர்.      ஆனால் 17.8.2012-ல் கோவை மாவட்ட வன அலுவலர் திருநாவுக்கரசு எழுதிய கடிதம் தான் ஈஷா யோக மைத்திற்கு எதிராக எழுதப்பட்ட முதல் புகார். அதில், ஈஷா யோக மையம் அமைந்துள்ள பகுதி யானைகளின் வழித்தட பகுதி என்றும், இந்த இடத்தில் சட்டவிரோதமாக கட்டிடங்களை கட்டியதால் யானைகள் மனிதர்கள் இடையேயான முரண்பாடு அதிகரித்து வ
Read more

சமண தொன்மங்கள் தேடல் பயணம் 3

Image
      எங்க ஊர் ஆரணியில் இருந்து ஆற்காடு செல்லும் சாலையில் 4km தொலைவில் பூண்டி எனும் சிறிய கிராமத்தில் சமண கோவில் இருப்பதை ஏற்கனவே நாம் கூறியிருந்த #சமணமும்_தமிழும் என்ற புத்தகத்தின் மூலமும் சில நண்பர்கள் மூலமும் தெரிந்துகொண்டோம். சமண தேடலில் கடந்த பயணங்களின் தொடர்ச்சியாக இந்த வாரம் அவ்விடத்தை பார்க்க செல்வோம் என பங்காளி மதன் கூறியிருந்தேன்.           காலையில் மிக தாமதமாகவே கிளம்ப முடிந்தது, கடுமையான வெயில் ஆனாலும் அங்கு சென்று பார்த்துவிட வேணும் என்ற எண்ணம் திடமாக இருந்தது, ஊரில் இருந்து 15நிமிட பயண தூரத்தில் தான் அவ்விடம் இருக்கிறது ஆனால் இதுநாள் வரை அங்கு சென்று பார்த்தது இல்லை.       சோழ கட்டிடகலையின் நுட்பதோடு அழகாக இருந்தது பொன்னெழில் நாதர், பாசுவநாதர் கோவில். கோவிலுக்குள் மிக நேர்த்தியாக பாசுவநாதர், ஆதிநாதர் (ரிஷபதேவர்), நவதேவதா, சந்திரபிரபு, தர்மதேவி சிலைகள் மேலும் ஒரே கல்லில் அமைய பெற்ற 24தீர்த்தங்கர்களின் உருவங்கள் என அனைத்தும் நேர்த்தியாக இருந்தது.           பொன்னெழில் நாதர் என்று கருவறையில் உள்ள ஆதிநாதர் அழைக்கப்படுகிறார். மகாவீரர் முக்குடையின் கீழ் அ
Read more

பெருங்கற்கால சின்னங்கள் - மல்லசத்திரம்

Image
மல்லசத்திரம் கற்திட்டைகள்      சில ஆண்டுக்கு முன் ஜவ்வாதுமலையில் உள்ள பெருங்கற்கால கற்படுகைகளுக்கு சென்ற பயணப்பதிவை பார்த்த நண்பர் ஒருவர் கிருஷ்ணகிரி அருகே மல்லசத்திரம் என்ற ஊரிலுள்ள மலையிலும் இது போன்றே நிறைய பெருங்கற்காலச் சின்னங்கள் இருப்பதாக சொல்லியிருந்தார்.      அப்போதே அங்கு செல்ல வேண்டும் என்ற விருப்பம் இருந்தாலும் மூன்றாண்டுகளுக்கு பிறகு தான் அவ்விடத்தை பார்க்கும் வாய்ப்பு கிடைத்தது.      ஓசூரில் இருந்து சொந்த ஊருக்கு வந்து கொண்டிருந்த போது தேசிய நெடுஞ்சாலையின் இடது புறமாக மல்லசத்திரம் என்ற பெயர் பலகை பார்த்தவுடன் நண்பர் சொல்லியிருந்த கற்திட்டைகள் நினைவுக்கு வந்தது. நிச்சயம் இன்று பார்த்துவிட வேண்டும் என அவ்வூருக்கு வாகனத்தை திருப்பினேன்.       அவ்வூருக்கு போகிற வழிநெடுக விவசாயம் செழுமையாக இருந்தது. ஆடி மாதத்தின் வேகமான காற்றை கிராமங்களின் ஊடே பயணிக்கையில் உணர முடிந்தது. தேசிய நெடுஞ்சாலையில் இருந்து மூன்று கி.மீ தொலைவுகளில் மல்லசத்திரம் ஊர் வந்துவிட்டது.      ஊரை நெருங்கும் முன்னமே வலதுபுற குன்றின் மீது ஒரு கற்திட்டை இருப்பதை காண முடிந்தது. நாம் செல்ல வ
Read more